Idol တစ်ဦးဖြစ်ချင်တဲ့စိတ်ဆန္ဒအား BTS အဖွဲ့ကြောင့် ရှာတွေ့ခဲ့တဲ့ ENHYPEN's Sunghoon
Author/ Publisher: Emma

HYBE က မွေးထုတ်ပေးလိုက်တဲ့ BTS, TXT, ENHYPEN တို့ကြားက ပတ်သက်မှုလေးတွေဟာ ပရိသတ်တွေအဖို့ ကြည်နူးစရာအခိုက်အတန့်တွေချည်းပါပဲ။ ENHYPEN အဖွဲ့ဆိုရင် နိုင်ငံပေါင်းစုံကလာပြီး အခက်အခဲပေါင်းစုံကို ဖြတ်သန်းလာကြတဲ့ အဖွဲ့ဝင်တွေနဲ့ စုစည်းထားပြီး ပရိသတ်အခိုင်အမာနဲ့ အောင်မြင်မှုအကြီးအကျယ် ရရှိထားတာပါ။ ရေခဲမင်းသားလေးလို့ တင်စားရတဲ့ Sunghoon ကတော့ လက်ရွေးစင်ရေခဲပြင်စကိတ်စီးပြိုင်ပွဲဝင် ဖြစ်ပြီး ဆုရရှိထားတဲ့ လက်ရွေးစင်ဘဝကို စွန့်လွှတ်ပြီး အဆိုတော်ဖြစ်လာလဲ့တဲ့ သူ့ရဲ့ ဘဝဇာတ်ကြောင်းလေးက လေးစားစရာပါပဲ။

Photo credit to ChoOnzzang
ပရော်ဖက်ရှင်နယ် လက်ရွေးစင်တစ်ယောက်က ဘာ့ကြောင့်များ Idol တစ်ဦးဖြစ်လာခဲ့ပုံကိုတော့ Sunghoon က 1theK Originals series IDDP မှာ ပြောပြခဲ့ပါတယ်။ ဒါကတော့ “Sunghoon ဟာ BTS concert ကို သွားပြီးနောက် idol ဖြစ်လာဖို့ အတွင်းဆန္ဒတွေ ဖြစ်ပေါ်ခဲ့တယ်” ဆိုတဲ့ အချက်ပါပဲ။ Sunghoon ကိုယ်တိုင်ကလည်း ဟုတ်မှန်ကြောင်း ပြောခဲ့ပြီး သူ့ရဲ့အမှတ်တရ မှတ်ဉာဏ်ကို ပြောပြခဲ့ဖူးပါတယ်။ “ကျွန်တော်က အဆိုတော်တွေရဲ့ ဖျော်ဖြေပွဲတွေကို သွားလေ့သွားထ မရှိပါဘူး။ နေ့တိုင်း လေ့ကျင့်ရေးဆင်းနေရတော့ မသွားနိုင်ခဲ့ပါဘူး။ ပထမဆုံးသွားဖြစ်ခဲ့တဲ့ ဖျော်ဖြေပွဲကြီးက BTS အဖွဲ့ရဲ့ သီဆိုတင်ဆက်တဲ့ပွဲကြီးပါ။ အဖွဲ့ဝင် ၇ ယောက်စလုံးက စင်မြင့်ထက်မှာ တအားကို လန်းပြီး အမိုက်စားဖြစ်နေခဲ့ပါတယ်။ အဲ့တုန်းက ဖျော်ဖြေသွားသမျှထဲမှာ ၂၀၁၇ ကထွက်ခဲ့တဲ့ “MIC Drop” သီချင်းကိုနားထောင်ပြီး ကျောရိုးထဲကကို ခံစားလိုက်ရတာပါပဲ။ ဒီသီချင်းကကောင်းလွန်းလို့ ငါလည်း သူတို့လို idol တစ်ယောက်ဖြစ်ချင်တယ်, ဆိုပြီး စိတ်ဆန္ဒတွေဖြစ်ပေါ်ခဲ့ပါတယ်” လို့ ပြောပြခဲ့ပါတော့တယ်။

Photo credit to MINCHULKIM
Sunghoon အပါအဝင် ENHYPEN အဖွဲ့ဝင်တွေဟာ BTS အဖွဲ့ကြောင့် Idol ဖြစ်ဖို့ ကြိုးစားခဲ့ကြကြောင်း မကြာခဏပြောဆိုခဲ့ဖူးပါတယ်။ ဆုရစကိတ်စီးပညာရှင်တစ်ဦးဖြစ်တဲ့ Sunghoon အနေနဲ့ သူ့ရဲ့ ဘဝမြှုပ်နှံရာ စကိတ်စီးခြင်းကို ရပ်နားပြီး Idol တစ်ယောက်ဖြစ်ဖို့ ကြိုးစားခဲ့တာဟာ တကယ်ကို စွန့်စားခဲ့ရတာပါ။ ဘဝအတွက် အသွေးအသားထဲကဖြစ်ချင်တဲ့ ဆန္ဒကို BTS အဖွဲ့ကို ကြည့်ပြီးမှ သေချာသိခဲ့ရပြီးနောက် လက်တွေ့အကောင်အထည်ဖော်ခဲ့တဲ့ Sunghoon ကတော့ ကမ္ဘာ့နာမည်ကြီးတစ်ယောက်ဖြစ်နေခဲ့ပါပြီ။

Photo credit to Twinkle
Source: Koreaboo